Իրանը շաբաթների ընթացքում կստանա չինական արտադրության հրթիռային համակարգեր

Իրանը մի քանի շաբաթվա ընթացքում կստանա չինական արտադրության հակաօդային պաշտպանության հրթիռային համակարգերի առաջին խմբաքանակը: Reuters-ի փոխանցմամբ՝ հայտնել են գործարքին ծանոթ երեք աղբյուրներ, որոնք վերակառուցում են Իրանի պաշտպանությունը Միացյալ Նահանգների հետ պատերազմի ֆոնին։

60-70 միլիոն դոլար արժողությամբ գնումը Թեհրանի ամենամեծ գործարքներից մեկն է՝ ամրապնդելու օդային պաշտպանությունը ԱՄՆ-ի և Իսրայելի հետ պատերազմի սկսելուց ի վեր, որը բացահայտեց Իրանի բացթողումները ռազմական օբյեկտներն ու ռազմավարական ենթակառուցվածքները պաշտպանելու կարողության մեջ։

Աղբյուրների խոսքով՝ պայմանագիրը ներառում է 300-400 շարժական հակաօդային պաշտպանության համակարգեր (MANPADS), այդ թվում՝ չինական արտադրության QW-12 և FN-16 հրթիռներ։

Գործարքը կնքվել է Հոնկոնգում գործող Zhongqing Baoshang International Investment ընկերության հետ, որը, ըստ աղբյուրների, միջնորդ է հանդես եկել իրանական կողմի և չինական մատակարարի միջև։

Աղբյուրները նշել են, որ չնայած համաձայնագիրը ստորագրվել է, մատակարարման գրաֆիկները, քանակները և իրականացման այլ մանրամասները դեռ կարող են փոխվել։

Ըստ նախնական համաձայնության՝ մատակարարումները սկզբում կիրականացվեն օդային ճանապարհով Չինաստանի արևմուտքում գտնվող Ուրումչիից, այնուհետև տարանցիկ ճանապարհով Պակիստանի տարածքով դեպի Իրան, սակայն հստակ չի նշվում փոխադրումները կիրականացվեն օդային, թե՞ցամաքային ճանապարհով։

Պակիստանի ռազմական հասարակայնության հետ կապերի թևը՝ ISPR-ը, հայտարարել է, որ Չինաստանից Իրանին հակաօդային պաշտպանության զենքի մատակարարման գործում Պակիստանի ներգրավվածության մասին ենթադրությունները բացարձակապես հորինված և կեղծ են։ Պակիստանի արտաքին գործերի նախարարության խոսնակը չի արձագանքել մեկնաբանության խնդրանքներին։