<![CDATA[All news on antifake.am]]> en-US 2026-06-15T20:12:00+04:00 <![CDATA[Ընտրական մի քանի դիտարկում. Արմեն Աշոտյանի հոդվածը՝ կալանավայրից]]> https://www.antifake.am/article/a-few-electoral-observations-armen-ashotyans-article-from-the-detention-center Քաղբանտարկյալ, ՀՀԿ փոխնախագահ Արմեն Աշոտյանը փաստաբանների միջոցով կալանավայրից մեզ է փոխանցել հերթական հոդվածը: Ներկայացնում ենք ստորև.

1. Ինչպես և կանխատեսում էի, անցած ընտրությունները ո՛չ ազատ էին, ո՛չ էլ արդար: Իսկ միակ իրականում թափանցիկ բանը քվեարկության ծրարներն էին:

2. Միայն ընտրական մեխանիզմներով ընդդիմությունը հաջողության հասնել չի կարող և չէր կարող: Փողոցային և քաղաքական տիրույթի մյուս պայքարներն իմպերատիվ են:

3. Ընտրությունները կեղծվում էին ընտրական օրվանից առաջ, նույն օրը և հետո: Նիկոլական «հաջողության բանաձևը» հստակ էր՝ ռեսուրսներ, վախ, նախընտրակաշառք և Արևմուտքի «OK»:

4. Անգամ այդքանից հետո չհասնելով ցանկալի արդյունքին՝ Փաշինյանն ուղիղ եթերում գողացավ ԲՀԿ-ի մանդատները՝ բռնանալով ժողովրդի կամարտահայտության վրա:

5. Նոր ԱԺ-ն, ուստի, լեգիտիմ չէ (որքան էլ Փաշինյանը փորձում էր մաքրվել 2021-ի ընտրություններից հետո կառավարության գործունեության արդյունքում ոչլեգիտիմության փաստից: Եթե ԱԺ-ն լեգիտիմ չէ, ուստի նրանից ածանցվող մարմինները, ներառյալ՝ կառավարությունը, և որոշումները լեգիտիմ լինել չէին կարող):

6. ԱԺ-ն և նրա հաստատվելիք կառավարության գալիք ծրագիրը նաև լեգալ չեն, քանզի հենց ամենասկզբից խարխլված են նրա ձևավորման իրավական հիմքերը (ԿԸՀ որոշումներ):

7. Ընդդիմությունն իր բոլոր բաղադրիչներով պարտավոր է գործել միասնական, և դրա ուղղությամբ կատարվող առաջին քայլերը ողջունելի են և շարունակություն պահանջող:

8. Հայտնի շրջանակների կողմից նույնիսկ այս վիճակում Սերժ Սարգսյանին կամ ՀՀԿ-ին թիրախավորելը հոգեկան հիվանդություն է հիշեցնում: Սահմանադրության հետ կապված շահարկումները ստիպում են ինձ ասել, որ «անմիաբան ընդդիմությանը Սահմանադրությունն է խանգարում»: Եթե որոշ շրջանակներ սեփական թերությունների և սխալների դեմ պայքարեին նույնքան, որքան մեր դեմ, գուցե ավելի հաջողակ լինեին:

9. Մանդատները վերցնելը և պայքարի բոլոր քաղաքական մեթոդները մեկտեղելը, կարծում եմ, ճիշտ է: Սակայն դրանից առաջ պետք է իրականացնել սեփական թեկնածուների լիարժեք և ազնիվ վեթինգ՝ կանխելու համար անխուսափելի «մանդատագողության» փորձերի հաջողությունը:

10. Հայաստանի նորանկախ պատմության մեջ եղել են դեպքեր, երբ ընդդիմության այս կամ այն ուժը մեղադրել է օրվա իշխանություններին իրենց ձայները նվազեցնելու մեջ: Սակայն առաջին անգամ է, երբ ընդդիմադիր ուժերից մեկի ձայները ոչ թե պարզապես և փաստահեն նվազեցվել են, այլ ուղիղ եթերում տեղի է ունեցել մի ամբողջ ֆրակցիայի ամպուտացիա ԱԺ-ից: Եթե նախորդ բոլոր իշխանություններին Փաշինյանը մեղադրում էր ընտրակեղծարարության մեջ, ապա հիմա նա պատմության մեջ մտավ՝ նաև որպես ընտրագող:

11. Փաշինյանի հետընտրական ագրեսիան վկայում է այն մասին, որ նա լավ գիտի, որ չի հաղթել, իսկ իր հայտարարած «հաղթանակը» սարքած է, անազնիվ: Որովհետև ազնիվ հաղթանակ տանողները փորձում են առավել սոսնձող, միաբանող, համազգային կեցվածք և կերպար ունենալ:

Հ.Գ. Հին հռոմեացիք իրենց դեմ պայքարող առաջնորդներին ասում էին. «Կա՛մ հաղթի՛ր Հռոմին, կա՛մ հանձնվի՛ր»: Մասնավորապես այդպես ավարտվեց հռոմեացի զորավար Մարիոսի հանդիպումը Միհրդատ արքայի հետ:

Նիկոլն իր քաղաքակրթական մակարդակով, անշուշտ, հռոմեացի չէ: Բայց ավելի կարևոր է այն, որ մեր իրականության մեջ հռոմեական բանաձևն այլ կերպ պիտի հնչի. «Կա՛մ հաղթել Նիկոլին, կա՛մ վերանալ որպես պետություն»:

ԱՐՄԵՆ ԱՇՈՏՅԱՆ

ՀՀԿ փոխնախագահ                                                       

«Վարդաշեն» ՔԿՀ

15.06.2026թ.

Աղբյուր՝ AntiFake.am

]]> https://www.antifake.am/article/a-few-electoral-observations-armen-ashotyans-article-from-the-detention-center 2026-06-15T20:12:00+04:00 https://antifake.am/uploads/posts/image/1781634177.jpg <![CDATA[Ընտրական մի քանի դիտարկում. Արմեն Աշոտյանի հոդվածը՝ կալանավայրից]]> Կարծիք <![CDATA[Կեղծված ընտրությունը չի կարող և չի դառնալու օրինական իշխանության աղբյուր․ ՀՀԿ ԳՄ հայտարարությունը]]> https://www.antifake.am/article/a-rigged-election-cannot-and-will-not-become-a-source-of-legitimate-power-rpa-gms-statement ՀՀԿ ԳՄ հայտարարությունը 2026 թվականի հունիսի 7-ի խորհրդարանական ընտրությունների և երկրում ստեղծված քաղաքական իրավիճակի վերաբերյալ․

«Հունիսի 7-ին Հայաստանում ընտրություններ չեն կայացել. կայացել է ընտրակեղծիք՝ նախապես ծրագրված, կենտրոնացված ղեկավարությամբ իրականացված և վարչախմբի ղեկավարի ուղիղ միջամտությամբ պսակված հանցավոր գործողություն՝ ուղղված ժողովրդի կամքի յուրացմանը։

Մեր կուսակցությունը հետևողականորեն ու սկզբունքորեն արձանագրել է, որ այս ընտրությունները նախապատրաստվում էին այնպիսի պայմաններում, որոնք ի սկզբանե զրկում էին ընտրական գործընթացն ազատ, արդար և մրցակցային բնույթից։ Նաև այս խորը համոզմունքից ելնելով՝ Հանրապետական կուսակցությունը որոշում կայացրեց իր մասնակցությամբ լեգիտիմության շղարշ չհաղորդել մի գործընթացի, որի ընթացքն ու արդյունքը կանխորոշվում էին ոչ թե ժողովրդի կամքով, այլ վարչական մեքենայի ճնշմամբ։

Նիկոլ Փաշինյանի վարչախումբը ոչ մի պարագայում չի հանդուրժելու ազատ ու արդար ընտրություն, քանի որ ազատ ընտրությունը նրա համար պարտություն է։

Ընտրությունների օրը և դրան նախորդած ողջ ժամանակահատվածն ամբողջությամբ հաստատեցին մեր նախազգուշացումների հիմնավորվածությունը։

Մենք կիսում ենք ընտրություններին մասնակցած ընդդիմադիր քաղաքական ուժերի՝ հունիսի 14-ի համատեղ հայտարարության գնահատականները։ Վարչական ռեսուրսի համատարած գործադրումը, պետական ու համայնքային ծառայողների ահաբեկումը, ընդդիմադիր գործիչների ու ակտիվիստների քաղաքական հետապնդումներն ու ձերբակալությունները, ընդդիմադիր շտաբերի կանխամտածված կաթվածահարումը, պետական և իշխանամետ լրատվամիջոցների վերածումը վարկաբեկման գործիքի, ձայների ուղղակի կեղծումն ու ընտրատեղամասերի արդյունքների աղավաղումը մեկ ընդհանուր կենտրոնից ղեկավարվող հանցավոր ծրագրի օղակներն են։ Սա առանձին խախտումների շարք չէ, այլ պետական մեքենայի ուժով իրականացված համակարգային ընտրակողոպուտ։

Այս հանցավոր ծրագիրն իր ավարտին հասցրեց Կենտրոնական ընտրական հանձնաժողովը, որը հունիսի 14-ին իր որոշմամբ իրականացրեց Ազգային ժողովի 3/5 մեծամասնության բացահայտ ուզուրպացիա՝ հօգուտ «Քաղաքացիական պայմանագրի»՝ ապօրինաբար հրաժարվելով երեք ընտրատեղամասերում վերաքվեարկություն կազմակերպելուց և այդ կերպ «Բարգավաճ Հայաստան» կուսակցությանը զրկելով անցողիկ շեմը հաղթահարելու հնարավորությունից»։ Ի հայտ եկած պաշտոնական պատկերը ոչ թե ընտրության արդյունք է, այլ իշխանության բացահայտ բռնազավթում ՔՊ-ի կողմից։

Պետական բոլոր մարմինները՝ ներառյալ իրավապահ համակարգը, Կենտրոնական ընտրական հանձնաժողովը և այսպես կոչված անկախ մարմինները, ապօրինաբար ծառայել են և շարունակում են ծառայել բացառապես Նիկոլ Փաշինյանի վերարտադրության շահին՝ միտումնավոր չապահովելով իրապես ժողովրդավարական ընտրությունների անցկացման օրինական պայմանները։

Ելնելով վերոշարադրյալից՝ Հանրապետական կուսակցությունը հայտարարում է՝

Հունիսի 7-ի այսպես կոչված ընտրությունների պաշտոնական արդյունքները կեղծ են, առ ոչինչ և չեն արտացոլում հայ ժողովրդի կամքը։

Այդ արդյունքների հիման վրա ձևավորվող Ազգային ժողովը ժողովրդի ներկայացուցչական մարմին չէ, այլ յուրացված մանդատների հավաքածու՝ զուրկ ժողովրդավարական որևէ լեգիտիմությունից։ Հանրապետական կուսակցությունը նման կերպ ձևավորված Ազգային ժողովը և դրա ստեղծած իշխանությունը չի ճանաչում որպես հայ ժողովրդի կամքի օրինական արտահայտություն։

Երկիրը խորը ներքաղաքական ճգնաժամի մեջ գցելու և դրա հնարավոր ողջ հետևանքների քաղաքական ու իրավական պատասխանատվությունը կրում է անձամբ Նիկոլ Փաշինյանը, ով իշխանությունն ամեն գնով պահելու համար ոտնահարեց ժողովրդի ընտրելու սահմանադրական իրավունքը և վտանգի ենթարկեց հայոց պետականության հիմքերը։

Հանրապետական կուսակցությունը կոչ է անում ազգային-պետական պատասխանատվություն կրող բոլոր քաղաքական ուժերին և յուրաքանչյուր քաղաքացու՝ հաղթահարել տարակարծությունները և համախմբվել մեկ նպատակի շուրջ՝ վերականգնել ժողովրդի յուրացված ընտրությունը և պաշտպանել Հայաստանի պետականությունը։

Մենք պայքարելու ենք հետևողականորեն և անզիջում՝ բացառապես Սահմանադրության, օրենքի և ժողովրդավարական սկզբունքների ուժով՝ ի պաշտպանություն քաղաքացիների ընտրական իրավունքի, Հայաստանի Հանրապետության պետականության շահերի և ժողովրդավարության հիմնարար արժեքների։

Կեղծված ընտրությունը չի կարող և չի դառնալու օրինական իշխանության աղբյուր։

Հանրապետությունը եղել և մնում է մեր բարձրագույն արժեքը»։

Աղբյուր՝ AntiFake.am

]]> https://www.antifake.am/article/a-rigged-election-cannot-and-will-not-become-a-source-of-legitimate-power-rpa-gms-statement 2026-06-15T18:33:00+04:00 https://antifake.am/uploads/posts/image/1781655023.jpg <![CDATA[Կեղծված ընտրությունը չի կարող և չի դառնալու օրինական իշխանության աղբյուր․ ՀՀԿ ԳՄ հայտարարությունը]]> Լուրեր <![CDATA[Սևանա լճի մակարդակը հունիսի 8-14-ն ընկած ժամանակահատվածում բարձրացել է 7 սմ-ով]]> https://www.antifake.am/article/the-level-of-lake-sevan-rose-by-7-cm-between-june-8-14 Սևանա լճի մակարդակը 2026 թվականի հունիսի 8-14-ն ընկած ժամանակահատվածում բարձրացել է 7 սմ-ով և կազմել՝ 1900.68 մ (14.06.26թ․), որն անցյալ տարվա նույն օրվա մակարդակից ցածր է 6 սմ-ով, իսկ 2026 թվականի հունվարի 1-ի մակարդակից բարձր է 46 սմ-ով։

Արփա-Սևան ջրատարով Սևանա լիճ տեղափոխված ջրի քանակը 2026 թվականի հունիսի 8-14-ն ընկած ժամանակահատվածում կազմել է 10.835 մլն.մ³, իսկ 2026 թվականի հունվարի 1-ից հունիսի 14-ը ներառյալ՝ 113.991 մլն.մ³:

Աղբյուր՝ AntiFake.am

]]> https://www.antifake.am/article/the-level-of-lake-sevan-rose-by-7-cm-between-june-8-14 2026-06-15T16:44:00+04:00 https://antifake.am/uploads/posts/image/1781628825.jpg <![CDATA[Սևանա լճի մակարդակը հունիսի 8-14-ն ընկած ժամանակահատվածում բարձրացել է 7 սմ-ով]]> Լուրեր <![CDATA[Առեղծվածային դեպք Լոռու մարզում. մոտ 2 ժամ է՝ Փամբակ գետում որոնում են 15-ամյա աղջկան]]> https://www.antifake.am/article/mysterious-incident-in-lori-marz-they-are-looking-for-a-15-year-old-girl-in-pambak-river-for-about-2-hours Այսօր՝ հունիսի 15-ին, առեղծվածային դեպք է տեղի ունեցել Լոռու մարզում։ Ժամը 14:15-ի սահմաններում ՀՀ Ներքին գործերի նախարարության Փրկարար ծառայության Լոռու մարզային փրկարարական վարչություն ահազանգ է ստացվել քաղաքացիների կողմից, որ Վանաձոր քաղաքի Առափնյա փողոցի 3-րդ հատվածում երեխան ընկել է Փամբակ գետը։

Ինչպես դեպքի վայրից հայտնում է ֆոտոլրագրող Գագիկ Շամշյանը, ժամանել են Լոռու մարզային փրկարարական վարչության և Վանաձորի հրշեջ-փրկարարական ջոկատներից մի քանի մարտական հաշվարկ՝ մարզային փրկարարական վարչության պետ Սերոբ Գաբրիելյանի գլխավորությամբ։Ժամանել են նաև ՀՀ ՆԳՆ ոստիկանության Պարեկային ծառայության Լոռու մարզի գումարտակի պարեկները՝ գումարտակի հրամանատար Ավետիք Նիկողոսյանի գլխավորությամբ։

Ժամանել են նաև ՀՀ ՆԳՆ ոստիկանության համայնքային ոստիկանության գլխավոր վարչության Տարոնի բաժնի մեծ թվով համայնքային ոստիկաններ՝ բաժնի պետի գլխավորությամբ։Այս պահին մեծ թվով քաղաքացիներ փրկարարներ պարեկներ ու համայնքային ոստիկաններ որոնողական աշխատանքներ են իրականացնում։

Դեպքի վայրում հավաքված մի քանի քաղաքացիներ նշում էին, որ երեխան մոտ 15 տարեկան աղջիկ է և կա ականատես, ով տեսել է, թե ինչպես է նա ընկնում գետը։Այս պահին իրավապահներն այդ քաղաքացու հետ աշխատանքներ են իրականացնում, պարզում են նաև թե մոտակա տներից կորած երեխա կա, թե ոչ։

 

Աղբյուր՝ Shamshyan.com

]]> https://www.antifake.am/article/mysterious-incident-in-lori-marz-they-are-looking-for-a-15-year-old-girl-in-pambak-river-for-about-2-hours 2026-06-15T16:41:00+04:00 https://antifake.am/uploads/posts/image/1781764219.jpg <![CDATA[Առեղծվածային դեպք Լոռու մարզում. մոտ 2 ժամ է՝ Փամբակ գետում որոնում են 15-ամյա աղջկան]]> Լուրեր <![CDATA[ԵՄ-ն ցանկանում է մինչև 15 տարով սահմանափակել նոր անդամների իրավունքները՝ զրկելով նաև վետոյի հնարավորությունից]]> https://www.antifake.am/article/the-eu-wants-to-limit-the-rights-of-new-members-for-up-to-15-years-also-denying-the-possibility-of-veto Եվրամիությունն ընդլայնման նոր պայմաններ է մշակում ապագա անդամների համար, որոնք 5-ից 15 տարի ժամկետով մի շարք զգալի սահմանափակումներ են նախատեսում երկրների համար։ Այդ սահմանափակումների թվում են նաև վետոյի իրավունքից զրկումը։ Այս մասին հայտնել է Եվրամիության ընդլայնման հարցերով հանձնակատար Մարտա Կոսը՝ նկատի ունենալով նաև Ուկրաինային ու Մոլդովային։

«Սա լինելու է անդամակցության պայմանագրերի նոր սերունդ, որտեղ կներառվեն պաշտպանական նոր երաշխիքներ։ Դրանք թույլ կտան ապահովել հենց ձեր նշածը (վետոյի իրավունքի չկիրառումը), որպեսզի վստահ լինենք, որ նոր անդամները նույնիսկ 5, 10 կամ 15 տարի անց կհետևեն եվրոպական կանոններին»,- նշել է նա՝ պատասխանելով այն հարցին, թե արդյոք ԵՄ-ում մտահոգություն չկա, որ Ուկրաինան անդամակցելուց հետո կարող է անվերահսկելիորեն կիրառել վետոյի իրավունքը։

2022 թվականի հունիսին Եվրամիությունն Ուկրաինային և Մոլդովային շնորհել է անդամության թեկնածուի կարգավիճակ։ ԵՄ-ում բազմիցս խոստովանել են, որ այդ որոշումը մեծամասամբ խորհրդանշական բնույթ է կրել՝ նպատակ ունենալով աջակցել Կիևին ու Քիշնևին Մոսկվայի հետ դիմակայությունում։

Աղբյուր՝ AntiFake.am

]]> https://www.antifake.am/article/the-eu-wants-to-limit-the-rights-of-new-members-for-up-to-15-years-also-denying-the-possibility-of-veto 2026-06-15T16:12:00+04:00 https://antifake.am/uploads/posts/image/1781661253.jpg <![CDATA[ԵՄ-ն ցանկանում է մինչև 15 տարով սահմանափակել նոր անդամների իրավունքները՝ զրկելով նաև վետոյի հնարավորությունից]]> Լուրեր <![CDATA[«Հեզբոլլահ»-ը հայտարարել է Իսրայելի դեմ մեկ օրում 28 մարտական ​​գործողության մասին]]> https://www.antifake.am/article/hezbollah-announced-28-combat-operations-against-israel-in-one-day Լիբանանում գործունեություն ծավալող արմատական «Հեզբոլլահ» շարժման մարտիկները հունիսի 14-ին 28 մարտական ​​գործողություն են իրականացրել իսրայելական բանակի դեմ: Այդ մասին հայտարարել է շարժման մամուլի ծառայությունը։

Շարժման տվյալներով՝ հարվածներ են հասցվել Իսրայելի զինվորականներին ու տեխնիկային Լիբանանի հարավում ընկած Մաջդալ Զուն, Յահմուր աշ Շքիֆ, Քանթարա, Թայբա, Նաքուրա, Շամ, Մարուն էր Ռաս, Ռեշաֆա և Բինտ Ջբեյլ շրջաններում։

«Հեզբոլլահ»-ի մամուլի ծառայությունը նաև նշել է, որ երեք անգամ հետ է մղել իսրայելական Hermes 450 անօդաչու թռչող սարքերը Սայդա և Իքլիմ էթ Թուֆա շրջանների երկնքում՝ օգտագործելով «երկիր-օդ» դասի հրթիռներ և ԱԹՍ-ներին ստիպելով լքել Լիբանանի օդային տարածքը:

Շարժումը հավելել է, որ գործողությունները պատասխանն են եղել Իսրայելի կողմից հրադադար ռեժիմի խախտումներին:

Լիբանանի առողջապահության նախարարության տվյալներով՝ մարտի 2-ից ի վեր երկրի վրա իսրայելական գրոհների հետևանքով զոհերի թիվը հասել է 3783-ի, վիրավորվել է 11 հազար 699 մարդ:

Աղբյուր՝ AntiFake.am

]]> https://www.antifake.am/article/hezbollah-announced-28-combat-operations-against-israel-in-one-day 2026-06-15T16:05:00+04:00 https://antifake.am/uploads/posts/image/1781707484.jpg <![CDATA[«Հեզբոլլահ»-ը հայտարարել է Իսրայելի դեմ մեկ օրում 28 մարտական ​​գործողության մասին]]> Լուրեր <![CDATA[Իրանի վրա հարձակումները կվերսկսվեն, եթե միջուկային բանակցությունները ձախողվեն. Թրամփ]]> https://www.antifake.am/article/attacks-on-iran-will-resume-if-nuclear-negotiations-fail-trump Միացյալ Նահանգները կվերսկսի պատերազմը Իրանի հետ, եթե կողմերը չկարողանան վերջնական համաձայնության գալ նրա միջուկային ծրագրի վերաբերյալ։

Ըստ APA-ի, ԱՄՆ նախագահ Դոնալդ Թրամփը այս մասին հայտարարել է The New York Times-ին տված հարցազրույցում։

Թրամփը նաև նշել է, որ Իրանի հետ գործող համաձայնագիրը պետք է ապահովի Հորմուզի նեղուցի մշտական ​​և անմաքս բացումը ապագայում։

Աղբյուր՝ AntiFake.am

]]> https://www.antifake.am/article/attacks-on-iran-will-resume-if-nuclear-negotiations-fail-trump 2026-06-15T12:59:00+04:00 https://antifake.am/uploads/posts/image/1781743584.jpg <![CDATA[Իրանի վրա հարձակումները կվերսկսվեն, եթե միջուկային բանակցությունները ձախողվեն. Թրամփ]]> Լուրեր <![CDATA[Տեսնես՝ Արցախի Մարտունի քաղաքում ծնված մարդուն ի՞նչն է երջանկացնում իր դահիճի հետ հանդիպումից]]> https://www.antifake.am/article/see-what-makes-a-person-born-in-the-city-of-martuni-artsakh-happy-after-meeting-his-executioner ԱԽ քարտուղարի և Ալիևի օգնականի երջանիկ հանդիպումը Դիլիջանում, քաղաքականից բացի, նաև այլ հարթություն է ենթադրում։ Այս մասին գրում է ՀՀ ԱԺ նախկին պատգամավոր Տիգրան Աբրահամյանը։

«Տեսնես՝ Արցախի Մարտունի քաղաքում ծնված մարդուն ի՞նչն է երջանկացնում իր դահիճի հետ հանդիպումից։

Մանկության երազա՞նքն է իրականացվել, երբ իր ծննդավայրն ադրբեջանացվել է։

90-ականներից սկսած՝ հազարավոր մարտունեցիներ, արցախցիներ կամ պարզապես հայեր են զոհվել։ Արմե՛ն, ո՞նց ես մարսել, շատ հե՞շտ էր, թե՞ ուղղակի թքած ունես։

Արցախի գլխին եկածի պայմաններում ո՞նց ես ապրում, շնչում, կյանքդ վայելում Արցախ հանձնածների շրջապատում, ուրախ-զվարթ ժամանակ անցկացնում Արցախին պատերազմ բերածների և ցեղասպանություն իրականացրածների կարկառուն ներկայացուցչի հետ։

Քեզ միայն փառքն ու պաշտոնն են հետաքրքիր, իսկ քո ծննդավայրի ոչնչացումը, հայրենակիցներիդ մահն ու տառապանքը քեզ համար կոպեկի արժեք չունեն»։

Աղբյուր՝ AntiFake.am

]]> https://www.antifake.am/article/see-what-makes-a-person-born-in-the-city-of-martuni-artsakh-happy-after-meeting-his-executioner 2026-06-15T12:58:00+04:00 https://antifake.am/uploads/posts/image/1781684607.jpg <![CDATA[Տեսնես՝ Արցախի Մարտունի քաղաքում ծնված մարդուն ի՞նչն է երջանկացնում իր դահիճի հետ հանդիպումից]]> Կարծիք <![CDATA[ԱՄՆ-ի և Իրանի միջև համաձայնագրի կնքումը կարող է արմատական փոփոխությունների հանգեցնել]]> https://www.antifake.am/article/the-conclusion-of-an-agreement-between-the-us-and-iran-could-lead-to-radical-changes ԱՄՆ-ի և Իրանի միջև համաձայնագրի կնքումը կարող է արմատական փոփոխությունների հանգեցնել Մերձավոր Արևելքում առաջիկա 50 տարիների ընթացքում: Այս մասին հայտարարել է ԱՄՆ փոխնախագահ Ջեյ Դի Վենսը, փոխանցում է ՏԱՍՍ-ը։

«Այն դեպքում, եթե իրանցիները պետք է պահպանեն այդ գործարքի պայմանները, դա արմատապես կփոխի Մերձավոր Արեւելքն առաջիկա 50 տարիների ընթացքում: Դա վերջ կդնի պատերազմին, դա Մերձավոր Արևելքն ավելի գրավիչ կդարձնի ներդրումների համար։

Սա կնշանակի էներգակիրների գների իջեցում ամերիկյան ժողովրդի համար»,-ասել է նա Fox News-ին տված հարցազրույցում։

Աղբյուր՝ AntiFake.am

]]> https://www.antifake.am/article/the-conclusion-of-an-agreement-between-the-us-and-iran-could-lead-to-radical-changes 2026-06-15T12:56:00+04:00 https://antifake.am/uploads/posts/image/1781719673.jpg <![CDATA[ԱՄՆ-ի և Իրանի միջև համաձայնագրի կնքումը կարող է արմատական փոփոխությունների հանգեցնել]]> Լուրեր <![CDATA[ՀՀ-ի հեռացումը ՌԴ-ից աշխարհում ընկալվում է որպես ռուսական ազդեցության թուլացման հերթական ցուցիչ]]> https://www.antifake.am/article/the-withdrawal-of-ra-from-the-russian-federation-is-perceived-in-the-world-as-another-indicator-of-the-weakening-of-russian-influence Հայաստանի աշխարհագրական դիրքն այն հազվագյուտ կետերից մեկն է, որտեղ հատվում են ԱՄՆ-ի, Ռուսաստանի, Իրանի, Թուրքիայի, Եվրոպայի և ավելի ակտիվ դարձող Չինաստանի շահերը։ Այս մասին գրում է ՀՀ ՊՆ նախկին փոխնախարար Արտակ Զաքարյանը։

«ԱՄՆ-ում գիտեն, որ տեսանելի ապագայում Հայաստանի անդամակցությունը Եվրոպական միությանը հավանական չէ։ Հայաստանն աշխարհագրորեն մեկուսացված է ԵՄ-ից, ունի տարածաշրջանային պրոբլեմներ և օբյեկտիվորեն շարունակում է կապակցված մնալ Ռուսաստանի հետ։

Սակայն ԵՄ մերձեցման թեման ստեղծում է հարմար քաղաքական շրջանակ՝ օրենսդրությունը եվրոպական չափանիշներին մոտարկելու, ռուսական ազդեցությունը նվազեցնելու, արևմտյան ազդեցությունն ընդլայնելու, ինչպես նաև ներդրումների և անվտանգային ոլորտում համագործակցության համար։

Այլ կերպ ասած՝ ԵՄ անդամակցությունն անիրատեսական է, սակայն Հայաստանի աստիճանական տեղափոխումը դեպի արևմտյան (հատկապես՝ թուրքական) ազդեցության գոտի՝ իրատեսական է։

Ուկրաինական պատերազմից հետո, ԱՄՆ-ի ռազմավարությունն ուղղված է ռուսական ազդեցության նվազեցմանն այն տարածքներում, որոնք Մոսկվան ավանդաբար համարում է իր շահերի գոտի։

Պատմականորեն Հայաստանը եղել է Ռուսաստանի ամենամոտ դաշնակիցներից մեկը: ԱՄՆ-ի տեսանկյունից, եթե Հայաստանը սկսում է աստիճանաբար հեռանալ Մոսկվայից, դա աշխարհում ընկալվում է որպես ռուսական ազդեցության թուլացման հերթական ցուցիչ։ Կարծում եմ այս փուլում Արևմուտքի համար այդ գործոնն ավելի կարևոր է, քան Հայաստանի անվտանգությունը կամ «եվրոպական ապագան»։

Հայաստանը շարունակում է մնալ Իրանի քիչ թվով բարեկամ հարևաններից մեկը։ Վաշինգտոնը շահագրգռված է նաև Իրանի հյուսիսային սահմանների մոտ արևմտյան ներկայության ուժեղացմամբ: Նահանգներին անհրաժեշտ են տրանսպորտային, էներգետիկ և այլ կոմընիկացիաներ, օգտակար հանածոներ, ինչպես նաև Հարավային Կովկասում Իրանի հնարավոր ազդեցության սահմանափակում։

Սա նշանակում է, որ երկարաժամկետ ռազմավարական պլանավորման տեսանկյունից, առևտրային ուղիների, ռեգիոնալ կոմունիկացիաների և էներգակիրների համար մղվող պայքարում, Իրանի հյուսիսային սահմանին ՀՀ դեմքով գործընկեր պետության առկայությունն ԱՄՆ-ի համար որոշակի արժեք է ներկայացնում։

Հարավային Կովկասն ընկած է այն խաչմերուկում, որոնք կապում են Եվրոպան, Կենտրոնական Ասիան, Կասպիական տարածաշրջանը և Չինաստանը։ ԱՄՆ-ը մտավախություն ունի, որ եթե ակտիվ ներկայություն չունենա տարածաշրջանում, ապա ապագա ենթակառուցվածքային, հեռահաղորդակցական, լոգիստիկ և էներգետիկ նախագծերը կարող են ամբողջությամբ անցնել Չինաստանի և Ռուսաստանի վերահսկողության տակ։

Ինչո՞ւ է վերջին ընտրություններում Արևմուտքն այդքան բացահայտ աջակցել գործող ռեժիմին: Որովհետև նրանք այդ ընտրություններն իրենց համար գնահատում են որպես ռազմավարական նշանակության հարց: Ոչ թե, որ Նիկոլը «հայտնի դեմոկրատ» կամ «վստահելի արևմտամետ» է, այլ, որովհետև նա պատրաստ է պետությունը դնել աշխարհակարգի վերափոխման փորձարկումների տակ՝ առանց մտածելու հետևանքների մասին:

Արևմուտքի տեսանկյունից՝ ՀՀ ներկայիս անհեռանկար, կապիտուլյացված ու կախյալ կառավարությունն ավելի ընդունելի և հարմարավետ է, քան այն կառավարությունը, որը կարող է փորձել վերականգնել հավասարակշռված հարաբերությունները փոխադարձ շահեր ունեցող դաշնակից և գործընկեր բոլոր երկրների հետ»։

Աղբյուր՝ AntiFake.am

]]> https://www.antifake.am/article/the-withdrawal-of-ra-from-the-russian-federation-is-perceived-in-the-world-as-another-indicator-of-the-weakening-of-russian-influence 2026-06-15T12:53:00+04:00 https://antifake.am/uploads/posts/image/1781615424.jpg <![CDATA[ՀՀ-ի հեռացումը ՌԴ-ից աշխարհում ընկալվում է որպես ռուսական ազդեցության թուլացման հերթական ցուցիչ]]> Կարծիք <![CDATA[Սե՞նց դիկտատորներ են ճամփվել. ազգովի կհաղթենք փոքրիկ խմբակի հոգին կորցրած դիկտատորին. Նարեկ Կարապետյան]]> https://www.antifake.am/article/did-dictators-travel-like-you-as-a-nation-we-will-defeat-the-dictator-who-lost-the-soul-of-a-small-group-narek-karapetyan «Ուժեղ Հայաստան» կուսակցության անդամ Նարեկ Կարապետյանը ֆեյսբուքյան իր էջում գրել է.

«Ամեն անգամ, երբ հարցազրույց էի տալիս օտարերկրյա լրատվամիջոցներին, միշտ ասում էի, որ Հայաստանը պատմականորեն ժողովրդավար երկիր է, որպեսզի չգցեմ իմ երկրի վարկանիշը օտարի աչքին։

Մեզ հետ արված բազմաթիվ ապօրինություններից հետո էլ ասում էինք, որ մեր երկիրը «ժողովրդավար» է։

Այսօր ժողովրդի քվեով ԱԺ անցած ուժին, որը կօգներ մեզ ապահովել մեր պայքարը Ալիևի սահմանադրության դեմ, Ալիևի ծրագրերի դեմ, ուղղակի առանց բացատրության հանեցին ԱԺ-ից՝ չնայած դատարանի ուղիղ որոշմանը։

Պայքարի ամբողջ ծանրությունը մնացել է մեզ վրա։

Ունե՞նք իրավունք զիջելու։

Ո՛Չ։

Լինելու է դժվար, լինելու է անարդար, բայց սե՞նց դիկտատորներ են ճամփվել։ Ազգովի կհաղթենք փոքրիկ խմբակի հոգին կորցրած դիկտատորին»:

Աղբյուր՝ AntiFake.am

]]> https://www.antifake.am/article/did-dictators-travel-like-you-as-a-nation-we-will-defeat-the-dictator-who-lost-the-soul-of-a-small-group-narek-karapetyan 2026-06-14T22:42:00+04:00 https://antifake.am/uploads/posts/image/1781570000.jpg <![CDATA[Սե՞նց դիկտատորներ են ճամփվել. ազգովի կհաղթենք փոքրիկ խմբակի հոգին կորցրած դիկտատորին. Նարեկ Կարապետյան]]> Կարծիք <![CDATA[Հունիսի 7-ին կայացած խորհրդարանական ընտրությունների արդյունքների և երկրում ստեղծված քաղաքական իրավիճակի վերաբերյալ հայտարարությունն ամբողջությամբ]]> https://www.antifake.am/article/the-full-statement-on-the-results-of-the-parliamentary-elections-held-on-june-7-and-the-political-situation-in-the-country Հունիսի 7-ին կայացած խորհրդարանական ընտրությունների արդյունքների և երկրում ստեղծված քաղաքական իրավիճակի վերաբերյալ

Հայաստանի Հանրապետությունում կայացած խորհրդարանական ընտրությունները տեղի են ունեցել այնպիսի պայմաններում, որոնք հիմնովին կասկածի տակ են դնում ընտրական գործընթացի ազատ, արդար և մրցակցային բնույթը։

Ներքոստորագրյալ քաղաքական ուժերս արձանագրում ենք, որ ընտրական ողջ գործընթացում՝ ներառյալ նախընտրական ժամանակահատվածում և քվեարկության օրը, տեղի են ունեցել համակարգային ու կազմակերպված խախտումներ, որոնք էական ազդեցություն են ունեցել ընտրողների ազատ կամարտահայտության, քաղաքական հավասար մրցակցության ապահովման և ընտրական ինստիտուտների նկատմամբ հանրային վստահության վրա, իսկ գործող վարչախմբի կողմից թույլ են տրվել ընտրական իրավունքի սկզբունքների խախտման ակնհայտ դրսևորումներ։

Մասնավորապես՝

1. Վարչական ռեսուրսի լայնածավալ կիրառում և ճնշումներ

Ամբողջ երկրում պետական և համայնքային պաշտոնյաների, ինչպես նաև նույն կառույցների, կրթական ու առողջապահական հաստատությունների, ուժային համակարգի ռեսուրսների ինտենսիվ ներգրավումը քաղաքական գործընթացներում խաթարել է հավասար մրցակցային պայմանները։ Պետական համակարգի աշխատակիցների նկատմամբ գործադրված ճնշումները, աշխատանքից ազատման և իրավական հետապնդումների սպառնալիքները ձևավորել են կախվածության մթնոլորտ, ինչն անհամատեղելի է ազատ ընտրությունների սահմանադրական սկզբունքի հետ։

2. Քաղաքական հետապնդումներ և ձերբակալություններ

Նախընտրական քարոզարշավն ուղեկցվել է ընդդիմադիր գործիչների, ակտիվիստների և աջակիցների նկատմամբ քաղաքական հետապնդումների ալիքով։ Իշխանությունները կիրառել են անհիմն ձերբակալությունների և կալանավորումների պրակտիկա՝ նպատակ ունենալով մեկուսացնել հանրային վստահություն վայելող գործիչներին և խաթարել ընդդիմադիր ընտրազանգվածի հետ տարվող կազմակերպչական աշխատանքները։ Նման համակարգային բնույթ կրող գործողությունները հատկապես իրականացվել են նախընտրական քարոզարշավի ընթացքում՝ համատարած վախի մթնոլորտի սերմանման նպատակով։

3. Ընդդիմադիր շտաբերի գործունեության նպատակաուղղված խոչընդոտում

Քվեարկության նախօրեին և բուն ընտրությունների օրը՝ հունիսի 7-ին, իրավապահ մարմինների կողմից իրականացվել է ընդդիմադիր ընտրական շտաբերի աշխատանքների համատարած կաթվածահարում։ Խուզարկությունները, անհիմն իրավական գործողություններով շտաբերի բնականոն գործունեության խաթարումները և կազմակերպիչների ձերբակալությունները միտված են եղել ընտրական գործընթացի վերահսկման մեխանիզմների չեզոքացմանը։

4. Տեղեկատվական քարոզչամիջոցների չարաշահում

Հանրային և իշխանությանը հարող, նույնիսկ պետական մեդիառեսուրսները ողջ քարոզարշավի ընթացքում օգտագործվել են ընդդիմության վարկաբեկման, անմեղության կանխավարկածի նսեմացման, հանրային պառակտման և ատելության խոսքի տարածման համար։ Տեղեկատվական դաշտում այլակարծության ճնշումը խախտել է հավասար մրցակցության բոլոր սահմանադրական նորմերը։

5. Ձայների հաշվարկի և ընտրողաբար ընտրական տեղամասերի արդյունքների անվավեր ճանաչում

Բազմաթիվ ընտրատեղամասերում քվեարկության արդյունքների կամայական խմբագրման և առանձին ընտրատեղամասերում այլ անօրինական գործիքակազմի իրացման դեպքեր են արձանագրվել, որոնք ազդեցություն են գործադրել ընտրության արդյունքների և քաղաքական ուժերի ձայների հարաբերակցության վրա։ Նշվածը զուգորդվել է նախքան քվեարկության արդյունքների վերաբերյալ պաշտոնական տվյալների ներկայացումը վարչախմբի ղեկավարի կողմից ընտրությունների արդյունքներին ուղիղ միջամտությամբ։

Ուստի մենք հայտարարում ենք.

Ընտրությունների վերաբերյալ ներկայացված պաշտոնական տվյալները չեն արտացոլում ժողովրդի իրական կամքը և ընտրությունների ստույգ արդյունքները։

Նման պայմաններում արձանագրված արդյունքները չեն կարող հիմք հանդիսանալ լեգիտիմ և ժողովրդի մեծամասնության վստահությունը վայելող իշխանության ձևավորման համար։

Երկրում իրավիճակի հետագա ցանկացած էսկալացիայի ողջ պատասխանատվությունն ամբողջությամբ ընկնում է Նիկոլ Փաշինյանի և նրա վարչախմբի վրա։

Մենք շարունակելու ենք գործել բացառապես Սահմանադրության, օրենքների և ժողովրդավարական սկզբունքների շրջանակներում՝ պաշտպանելով քաղաքացիների ազատ կամարտահայտության իրավունքը և Հայաստանի Հանրապետության պետականության ու ժողովրդավարության հիմնարար արժեքները։

Մեր ապագա որոշումներում և գործողություններում ելնելու ենք բացառապես այս իրողություններից։

14 հունիսի 2026 թ.,

Երևան

«Ուժեղ Հայաստան» կուսակցությունների դաշինք

«Հայաստան» կուսակցությունների դաշինք

«Բարգավաճ Հայաստան» կուսակցություն

«Լուսավոր Հայաստան» կուսակցություն

«Հայ ազգային կոնգրես» կուսակցություն

«Ազգային ժողովրդական բևեռ» կուսակցություն

]]> https://www.antifake.am/article/the-full-statement-on-the-results-of-the-parliamentary-elections-held-on-june-7-and-the-political-situation-in-the-country 2026-06-14T22:02:00+04:00 https://antifake.am/uploads/posts/image/1781593128.jpg <![CDATA[Հունիսի 7-ին կայացած խորհրդարանական ընտրությունների արդյունքների և երկրում ստեղծված քաղաքական իրավիճակի վերաբերյալ հայտարարությունն ամբողջությամբ]]> Լուրեր <![CDATA[Այսօր ժամը 18.00-ին լինելու եմ ԿԸՀ-ի դիմաց, որ ՀՀ քաղաքացու ձայնը չգողացվի. Մամիջանյան]]> https://www.antifake.am/article/today-at-1800-i-will-be-in-front-of-the-cec-so-that-the-vote-of-the-ra-citizen-is-not-stolen-mamijanyan Այսօր ժամը 18.00-ին լինելու եմ ԿԸՀ-ի դիմաց, որ ՀՀ քաղաքացու ձայնը չգողացվի: Այս մասին հայտնում է Հայկ Մամիջանյանը ֆեյսբուքյան գրառմամբ:

Աղբյուր՝ AntiFake.am

]]> https://www.antifake.am/article/today-at-1800-i-will-be-in-front-of-the-cec-so-that-the-vote-of-the-ra-citizen-is-not-stolen-mamijanyan 2026-06-14T13:57:00+04:00 https://antifake.am/uploads/posts/image/1781499984.jpg <![CDATA[Այսօր ժամը 18.00-ին լինելու եմ ԿԸՀ-ի դիմաց, որ ՀՀ քաղաքացու ձայնը չգողացվի. Մամիջանյան]]> Կարծիք <![CDATA[«Ուժեղ Հայաստանը» բողոքի ակցիա կանցկացնի, պահանջում է չեղարկել ընտրության արդյունքները]]> https://www.antifake.am/article/strong-armenia-will-hold-a-protest-action-demanding-to-cancel-the-election-results «Ուժեղ Հայաստան» կուսակցությունը հայտարարություն է տարածել.

«Այսօր՝ ժամը 18:00-ին, Կենտրոնական ընտրական հանձնաժողովը (ԿԸՀ) քննելու է «Ուժեղ Հայաստան» դաշինքի դիմումը՝ հունիսի 7-ի խորհրդարանական ընտրությունների արդյունքներն անվավեր ճանաչելու վերաբերյալ։

«Ուժեղ Հայաստան» դաշինքը դիմումը ներկայացրել է՝ հիմք ընդունելով համատարած և համակարգային խախտումները, որոնք տեղ են գտել ընտրությունների նշանակման օրվանից մինչև քվեարկության ավարտը, ինչպես նաև ձայների հաշվարկի և վերահաշվարկի փուլերում։

ԿԸՀ կողմից ակնհայտ անօրինական գործիքակազմերի իրացումը ուղիղ ազդեցություն է ունեցել քաղաքական ուժերի ձայների հարաբերակցության վրա, մասնավորապես` Բարգավաճ Հայաստան կուսակցության դեպքում, որն էլ ևս ամբողջության մեջ էապես ազդել է ընտրությունների վերջնական արդյունքների վրա։

Այսօր՝ ժամը 18:00-ին, մենք լինելու ենք ԿԸՀ շենքի մոտ՝ հնչեցնելու մեր բողոքի ձայնն արձանագրված ապօրինությունների դեմ և պահանջելու հունիսի 7-ի խորհրդարանական ընտրությունների արդյունքների չեղարկումը»:

Աղբյուր՝ AntiFake.am

]]> https://www.antifake.am/article/strong-armenia-will-hold-a-protest-action-demanding-to-cancel-the-election-results 2026-06-14T13:54:00+04:00 https://antifake.am/uploads/posts/image/1781590985.jpg <![CDATA[«Ուժեղ Հայաստանը» բողոքի ակցիա կանցկացնի, պահանջում է չեղարկել ընտրության արդյունքները]]> Լուրեր <![CDATA[ԲՀԿ-ն, ըստ ԿԸՀ երեկ հրապարակած թվերի, հաղթահարում է անցողիկության շեմը. Սուրենյանց]]> https://www.antifake.am/article/according-to-the-figures-published-by-the-cec-yesterday-pap-overcomes-the-threshold-of-transience-surens «Եթե անգամ հայտնի երեք տեղամասերում վերաքվեարկություն տեղի չունենա, ԲՀԿ-ն, ըստ ԿԸՀ երեկ հրապարակած թվերի, հաղթահարում է անցողիկության շեմը»,-հայտնում է ԲՀԿ կողմից պատգամավորության թեկնածու, քաղաքագետ Սուրեն Սուրենյանցը։

Աղբյուր՝ AntiFake.am
 

]]> https://www.antifake.am/article/according-to-the-figures-published-by-the-cec-yesterday-pap-overcomes-the-threshold-of-transience-surens 2026-06-13T20:27:00+04:00 https://antifake.am/uploads/posts/image/1781495335.jpg <![CDATA[ԲՀԿ-ն, ըստ ԿԸՀ երեկ հրապարակած թվերի, հաղթահարում է անցողիկության շեմը. Սուրենյանց]]> Կարծիք <![CDATA[Օդի ջերմաստիճանը հունիսի 14-ի ցերեկը կնվազի 4-5 աստիճանով]]> https://www.antifake.am/article/the-air-temperature-will-drop-by-4-5-degrees-in-the-afternoon-of-june-14 Երևանում հունիսի 13-ի ցերեկը, 17-ին, 18-ի գիշերը սպասվում է առանց տեղումների եղանակ։ Հունիսի 14-15-ին՝ գիշերը և կեսօրից հետո, 16-ի և 18-ի երեկոյան ժամերին սպասվում է կարճատև անձրև և ամպրոպ, ամպրոպի ժամանակ՝ նաև քամու ուժգնացում՝ 17-20մ/վ արագությամբ։ Այս մասին հայտնում են «Հիդրոօդերևութաբանության և մոնիթորինգի կենտրոն» ՊՈԱԿ-ից։

Հանրապետության տարածքում հունիսի 13-ի ցերեկը, 17-ի և 18-ի գիշերը սպասվում է առանց տեղումների եղանակ։ Հունիսի 14-16-ին՝ գիշերը և կեսօրից հետո շրանների զգալի մասում, 17-ի և 18-ի ցերեկն առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։ Հունիսի 14-16-ին առանձին հատվածներում անձրևները կլինեն հորդառատ։ Քամին`հարավարևմտյան`2-5 մ/վ, ամպրոպի ժամանակ սպասվում է նաև քամու ուժգնացում՝ 17-20 մ/վ արագությամբ։ Օդի ջերմաստիճանը հունիսի 14-ի ցերեկը կնվազի 4-5աստիճանով, հունիսի 15-18-ին աստիճանաբար կբարձրանա 3-4 աստիճանով։

Աղբյուր՝ AntiFake.am

]]> https://www.antifake.am/article/the-air-temperature-will-drop-by-4-5-degrees-in-the-afternoon-of-june-14 2026-06-13T19:43:00+04:00 https://antifake.am/uploads/posts/image/1781513995.jpg <![CDATA[Օդի ջերմաստիճանը հունիսի 14-ի ցերեկը կնվազի 4-5 աստիճանով]]> Լուրեր <![CDATA[Խոսքի սահմանափակումը իշխանությունը դարձրել է ռեպրեսիայի նոր միջոց․ փաստաբան]]> https://www.antifake.am/article/restriction-of-speech-has-made-the-government-a-new-means-of-repression-lawyer Իրավապաշտպան Ռուբեն Մելիքյանն ընդգծում է՝ գործող իշխանությունը խոսքի ազատության սահմանափակումը իր համար ռեպրեսիոն գործիք է դարձրել.

Սկսած 2024 թվականից՝ քրեական դատարանները հետզհետե սկսեցին կիրառել խոսքի ազատության սահմանափակումը՝ որպես խափանման միջոց («վարչական հսկողություն» խափանման միջոցի ներքո):

Սկզբից դրա կիրառումն ուներ մասնակի բնույթ, քանի որ այն վերաբերում էր հրապարակային խոսքի միայն որոշ դրսևորումների։ Այն նաև ուներ պրոգրեսիվ բնույթ, քանի որ փոխարինում էր կալանքին՝ բանտային կամ տնային։

Կամաց-կամաց խոսքի սահմանափակումը դարձավ ինքնուրույն ռեպրեսիվ միջոց։

Հ.Գ. Այս պահին խոսքի սահմանափակման ներքո են՝ «Իմնեմնիմի»-ի տղերքը՝ Նարեկն ու Վազգենը (տոտալ արգելք), Շենգավիթցի Արտակը՝ բլոգեր Արտակ Սարգսյանը (տոտալ արգելք), Էդգար Ղազարյանը (մասնակի արգելք), քաղաքագետ Ալեն Ղևոնդյանը (լայնածավալ արգելք)»։

Աղբյուր՝ AntiFake.am

]]> https://www.antifake.am/article/restriction-of-speech-has-made-the-government-a-new-means-of-repression-lawyer 2026-06-13T19:36:00+04:00 https://antifake.am/uploads/posts/image/1781478536.jpeg <![CDATA[Խոսքի սահմանափակումը իշխանությունը դարձրել է ռեպրեսիայի նոր միջոց․ փաստաբան]]> Կարծիք <![CDATA[Աշոտյանին կալանավորել են, որպեսզի ՔՊ-ի անդամակցումը ԵԺԿ-ին անխոչընդոտ լինի. Շարմազանով]]> https://www.antifake.am/article/ashotyan-was-detained-so-that-the-membership-of-the-cp-to-the-epp-would-be-unimpeded-with-charmazan Արմեն Աշոտյանին կալանավորել են նաեւ նրա համար,որպեսզի ՔՊ-ի անդամակցումը ԵԺԿ-ին գրեթե անխոչընդոտ լինի։ Այս մասին գրել է ՀՀԿ ԳՄ անդամ Էդուարդ Շարմազանովը:

«Քանի դեռ Արմենն ակտիվ ու անխոչընդոտ մասնակցում էր EPP-ի աշխատանքներին /երբեմն նույնիսկ տետակապով/, ՔՊ-ի EPP-ին անդամակցման շանսերն այդքան էլ փայլուն չէին։

Արմենը խանգարում էր Նիկոլին։

Իսկ ՔՊ-ի Եվրոպայի ժողովրդական կուսակցության անդամակցման հարցը պետք է քննարկվի ընտրություններից հետո։

Դա է նաեւ պատճառը,որ ափալ-թափալ «նոր գործ» ի հայտ բերեցին ու Աշոտյանին տարան կալանքի։
Բայց Արմենը կալանավայրից էլ է պայքարելու ու ուժ տալու ազատության մեջ պայքարողներիս։
Ազատություն Նիկոլի ռեժիմի բոլոր պատանդներիս»։

Աղբյուր՝ AntiFake.am

]]> https://www.antifake.am/article/ashotyan-was-detained-so-that-the-membership-of-the-cp-to-the-epp-would-be-unimpeded-with-charmazan 2026-06-13T19:33:00+04:00 https://antifake.am/uploads/posts/image/1781509884.jpg <![CDATA[Աշոտյանին կալանավորել են, որպեսզի ՔՊ-ի անդամակցումը ԵԺԿ-ին անխոչընդոտ լինի. Շարմազանով]]> Կարծիք <![CDATA[Ս. Ներսես Մեծ Հայրապետի և Խադ եպիսկոպոսի հիշատակության օրն է այսօր]]> https://www.antifake.am/article/s-today-is-the-memorial-day-of-patriarch-nerses-and-bishop-khad Հայ բազմաշնորհ կաթողիկոսներից է Ս. Ներսես Հայրապետը (353-373թթ.), որին իրավամբ տրվել է Մեծ անունը:

Ըստ պատմական աղբյուրների՝ նա Ս. Գրիգոր Լուսավորչի տոհմից է, Հուսիկ Հայրապետի թոռը: Փառեն կաթողիկոսի մահվանից հետո հայոց Արշակ թագավորի սենեկապան Ներսեսը, դեռևս աշխարհական, նկատվում է կաթողիկոսական գահի ամենաարժանի թեկնածու և արքայի պարտադրմամբ ձեռնադրվում է կաթողիկոս:

Հետագայում հայրապետական աթոռի գահակալը դառնում է Հայ Առաքելական Եկեղեցու առաջին մեծ բարեփոխիչը և իր ժողովրդի մեծանուն բարերարը: Նրա նախաձեռնությամբ գումարված Աշտիշատի ազգային-եկեղեցական ժողովում (354թ.) առաջին անգամ ընդունվում են որոշումներ, որոնք կանոնակարգում են հոգևոր-եկեղեցական կյանքը, սահմանում ընտանիքի բարոյական սկզբունքները: Ներսես Մեծ Հայրապետի նախաձեռնությամբ հիմնվում են վանքեր ու դպրոցներ, բոլոր անտունների ու աղքատների համար կառուցվում ապաստաններ ու հիվանդանոցներ: Հայրապետն իր ժողովրդի կողքին է եղել միշտ և ամենուր:

Ձիրավի ճակատամարտի հաղթանակը ձեռք է բերվել նաև Ս. Ներսես Հայրապետի շնորհիվ, ով ողջ ճակատամարտի ընթացքում մոտակա լեռան վրա բազկատարած աղոթել է հայոց բանակի հաղթության համար: Ազգաշեն ու եկեղեցաշեն այս գործունեության համար էլ Ս. Ներսես Հայրապետին կոչել են նաև «Լուսավորիչ սրտից»: Հայրապետի բոլոր այս ձեռնարկներին աջակից ու գործակից է եղել Խադ եպիսկոպոսը, որին պատմիչ Փավստոս Բյուզանդը կոչել է նաև Ներսես Հայրապետի աթոռակից:

Հայ Առաքելական եկեղեցին սրբերի շարքը դասելով իր երկու նվիրյալ զավակներին՝ նրանց հիշատակը միասնաբար տոնում է Կաթողիկե Սուրբ Էջմիածնի տոնին հաջորդող շաբաթ օրը:

Աղբյուր՝ AntiFake.am

]]> https://www.antifake.am/article/s-today-is-the-memorial-day-of-patriarch-nerses-and-bishop-khad 2026-06-13T19:31:00+04:00 https://antifake.am/uploads/posts/image/1781409862.jpeg <![CDATA[Ս. Ներսես Մեծ Հայրապետի և Խադ եպիսկոպոսի հիշատակության օրն է այսօր]]> Լուրեր <![CDATA[ՌԴ բանակն առաջ է շարժվում հատուկ ռազմական գործողության բոլոր ուղղություններով. Պուտին]]> https://www.antifake.am/article/the-russian-army-is-moving-forward-in-all-directions-of-the-special-military-operation-putin Ռուսական բանակն առաջ է շարժվում հատուկ ռազմական գործողության բոլոր ուղղություններով, և թշնամին, անկարող լինելով զսպել այս առաջխաղացումը, դիմում է ահաբեկչական մեթոդների։ Այս մասին առցանց ձևաչափով տեսակոնֆերանսի ժամանակ, որը նվիրված էր ԴԺՀ–ի, ՇԺՀ–ի, Զապորոժիեի և Խերսոնի մարզերի զարգացմանը, հայտարարել է ՌԴ նախագահ Վլադիմիր Պուտինը։

«Ուկրաինայի զինված ուժերի կողմից Ռուսաստանի դեմ ուղղված ոչ մի հարված հակառակորդին չի օգնի»,–ասել է ՌԴ նախագահը։

Աղբյուր՝ AntiFake.am

]]> https://www.antifake.am/article/the-russian-army-is-moving-forward-in-all-directions-of-the-special-military-operation-putin 2026-06-13T17:36:00+04:00 https://antifake.am/uploads/posts/image/1781567341.jpg <![CDATA[ՌԴ բանակն առաջ է շարժվում հատուկ ռազմական գործողության բոլոր ուղղություններով. Պուտին]]> Լուրեր <![CDATA[Կիրանց. Կեղծված հաղթանակի հետքերով]]> https://www.antifake.am/video/kirants-in-the-footsteps-of-forged-victory https://www.antifake.am/article/kirants-in-the-footsteps-of-forged-victory 2026-06-15T18:52:28+04:00 https://i.ytimg.com/vi/B5Ru3OP1eOE/maxresdefault.jpg <![CDATA[Կիրանց. Կեղծված հաղթանակի հետքերով]]> IMNEMNIMI PODCAST HILIGHTS <![CDATA[Հաջորդն ի՞նչ է լինելու, «փաշայի» կոչու՞մ է տալու իրեն՝ անելով սահմանադրական ռեֆորմ. Մամիջանյան]]> https://www.antifake.am/video/what-will-happen-next-will-he-give-himself-the-title-of-pasha-by-carrying-out-a-constitutional-reform-mamijanyan https://www.antifake.am/article/what-will-happen-next-will-he-give-himself-the-title-of-pasha-by-carrying-out-a-constitutional-reform-mamijanyan 2026-06-15T18:38:07+04:00 /uploads/video/image/1781624534.jpg <![CDATA[Հաջորդն ի՞նչ է լինելու, «փաշայի» կոչու՞մ է տալու իրեն՝ անելով սահմանադրական ռեֆորմ. Մամիջանյան]]> Տեսանյութեր <![CDATA[Լարսը փակ է հայկական բեռների համար. ի՞նչ է սպասվում տնտեսությանը]]> https://www.antifake.am/video/lars-is-closed-for-armenian-cargo-whats-next-for-the-economy https://www.antifake.am/article/lars-is-closed-for-armenian-cargo-whats-next-for-the-economy 2026-06-15T17:16:11+04:00 https://i.ytimg.com/vi/nKCoy0rYix4/maxresdefault.jpg <![CDATA[Լարսը փակ է հայկական բեռների համար. ի՞նչ է սպասվում տնտեսությանը]]> IMNEMNIMI PODCAST HILIGHTS <![CDATA[LIVE. Դավիթ Համբարձումյանի գործով դատական նիստը]]> https://www.antifake.am/video/live-the-court-hearing-in-the-case-of-davit-hambardzumyan https://www.antifake.am/article/live-the-court-hearing-in-the-case-of-davit-hambardzumyan 2026-06-15T16:55:51+04:00 /uploads/video/image/1781747704.jpg <![CDATA[LIVE. Դավիթ Համբարձումյանի գործով դատական նիստը]]> Ուղիղ հեռարձակում <![CDATA[Հազիվ են 49% «քերել». ադմինիստրատիվ ռեսուրսի և կեղծիքների գինը]]> https://www.antifake.am/video/49-barely-scratch-the-cost-of-administrative-resource-and-fraud https://www.antifake.am/article/49-barely-scratch-the-cost-of-administrative-resource-and-fraud 2026-06-15T16:26:40+04:00 https://i.ytimg.com/vi/qBSSdfeHoXM/maxresdefault.jpg <![CDATA[Հազիվ են 49% «քերել». ադմինիստրատիվ ռեսուրսի և կեղծիքների գինը]]> IMNEMNIMI PODCAST HILIGHTS <![CDATA[Լկտիություն է․ Իվետա Տոնոյանը՝ ԿԸՀ-ի կողմնակալության մասին]]> https://www.antifake.am/video/it-is-impudence-iveta-tonoyan-on-cec-bias https://www.antifake.am/article/it-is-impudence-iveta-tonoyan-on-cec-bias 2026-06-14T23:00:20+04:00 /uploads/video/image/1781682849.jpg <![CDATA[Լկտիություն է․ Իվետա Տոնոյանը՝ ԿԸՀ-ի կողմնակալության մասին]]> Տեսանյութեր <![CDATA[Իրավիճակի էսկալացիայի պատասխանատուն Փաշինյանն է․ Ընդդիմադիր 6 ուժերի միացյալ հայտարարությունը]]> https://www.antifake.am/video/pashinyan-is-responsible-for-the-escalation-of-the-situation-the-joint-statement-of-the-6-opposition-forces https://www.antifake.am/article/pashinyan-is-responsible-for-the-escalation-of-the-situation-the-joint-statement-of-the-6-opposition-forces 2026-06-14T22:24:07+04:00 /uploads/video/image/1781573706.jpg <![CDATA[Իրավիճակի էսկալացիայի պատասխանատուն Փաշինյանն է․ Ընդդիմադիր 6 ուժերի միացյալ հայտարարությունը]]> Տեսանյութեր <![CDATA[«Սուտ է ասում ԿԸՀ-ն»․ Ընտրական կեղծիքների նոր փաստեր՝ Գեղամ Մանուկյանից]]> https://www.antifake.am/video/the-cec-is-lying-new-facts-of-electoral-fraud-from-gegham-manukyan https://www.antifake.am/article/the-cec-is-lying-new-facts-of-electoral-fraud-from-gegham-manukyan 2026-06-14T21:33:03+04:00 /uploads/video/image/1781633133.jpg <![CDATA[«Սուտ է ասում ԿԸՀ-ն»․ Ընտրական կեղծիքների նոր փաստեր՝ Գեղամ Մանուկյանից]]> Տեսանյութեր <![CDATA[«Չի՛ լինելու». Արման Աբովյանի ուղերձը իշխանություններին]]> https://www.antifake.am/video/it-wont-happen-arman-abovyans-message-to-the-authorities https://www.antifake.am/article/it-wont-happen-arman-abovyans-message-to-the-authorities 2026-06-14T21:20:59+04:00 /uploads/video/image/1781590569.jpg <![CDATA[«Չի՛ լինելու». Արման Աբովյանի ուղերձը իշխանություններին]]> Տեսանյութեր <![CDATA[ԸՆՏՐԱԿԵՂԾԻՔՆԵՐԻ ԱՆՆԱԽԱԴԵՊ ԾԱՎԱԼ. Գոհար Մելոյանը փաստեր է ներկայացնում]]> https://www.antifake.am/video/unprecedented-volume-of-election-frauds-gohar-meloyan-presents-facts https://www.antifake.am/article/unprecedented-volume-of-election-frauds-gohar-meloyan-presents-facts 2026-06-14T21:13:18+04:00 /uploads/video/image/1781637331.jpg <![CDATA[ԸՆՏՐԱԿԵՂԾԻՔՆԵՐԻ ԱՆՆԱԽԱԴԵՊ ԾԱՎԱԼ. Գոհար Մելոյանը փաստեր է ներկայացնում]]> Տեսանյութեր <![CDATA[Ի՞նչ որոշում կկայացնի ԿԸՀ-ն. Արամ Վարդևանյանը՝ հնարավոր սցենարների մասին]]> https://www.antifake.am/video/what-decision-will-the-cec-make-aram-vardevanyan-about-possible-scenarios https://www.antifake.am/article/what-decision-will-the-cec-make-aram-vardevanyan-about-possible-scenarios 2026-06-14T21:12:33+04:00 /uploads/video/image/1781510019.jpg <![CDATA[Ի՞նչ որոշում կկայացնի ԿԸՀ-ն. Արամ Վարդևանյանը՝ հնարավոր սցենարների մասին]]> Տեսանյութեր <![CDATA[«Ոչ ոք իրավունք չունի ձայնագողությամբ զբաղվել». Իվետա Տոնոյան]]> https://www.antifake.am/video/no-one-has-the-right-to-engage-in-audio-theft-iveta-tonoyan https://www.antifake.am/article/no-one-has-the-right-to-engage-in-audio-theft-iveta-tonoyan 2026-06-14T21:07:13+04:00 /uploads/video/image/1781610715.jpg <![CDATA[«Ոչ ոք իրավունք չունի ձայնագողությամբ զբաղվել». Իվետա Տոնոյան]]> Տեսանյութեր <![CDATA[«Նիկոլ, դո՛ւ ես հացին կակա ասելու». Սուրեն Սուրենյանցի կոշտ պատասխանը Փաշինյանին]]> https://www.antifake.am/video/suren-surenyants-this-was-not-an-election-this-was-a-show-of-electoral-fraud https://www.antifake.am/article/suren-surenyants-this-was-not-an-election-this-was-a-show-of-electoral-fraud 2026-06-14T20:56:30+04:00 /uploads/videos/image/1781557513.png <![CDATA[«Նիկոլ, դո՛ւ ես հացին կակա ասելու». Սուրեն Սուրենյանցի կոշտ պատասխանը Փաշինյանին]]> Տեսանյութեր <![CDATA[LIVE. Հրատապ․ ԿԸՀ-ի միջոցով Նիկոլը հեղաշրջում է անում]]> https://www.antifake.am/video/live-urgent-nicole-pulls-off-a-coup-through-the-cec https://www.antifake.am/article/live-urgent-nicole-pulls-off-a-coup-through-the-cec 2026-06-14T20:15:27+04:00 https://i.ytimg.com/vi/TfG1BV8wJRA/maxresdefault_live.jpg <![CDATA[LIVE. Հրատապ․ ԿԸՀ-ի միջոցով Նիկոլը հեղաշրջում է անում]]> ԾՈՎԻՑ ԾՈՎ PODCAST <![CDATA[Արեգա Հովսեփյան. «Մենք թույլ չենք տա գողանալ մեր ապագան]]> https://www.antifake.am/video/arega-hovsepyan-we-will-not-allow-our-future-to-be-stolen https://www.antifake.am/article/arega-hovsepyan-we-will-not-allow-our-future-to-be-stolen 2026-06-14T20:06:53+04:00 /uploads/video/image/1781643155.jpg <![CDATA[Արեգա Հովսեփյան. «Մենք թույլ չենք տա գողանալ մեր ապագան]]> Տեսանյութեր <![CDATA[Լեգա՞լ, թե՞ լեգիտիմ. Մամիկոն Ասլանյանը՝ ընտրությունների խայտառակ պատկերի մասին]]> https://www.antifake.am/video/legal-or-legitimate-mamikon-aslanyan-on-the-shameful-image-of-the-elections https://www.antifake.am/article/legal-or-legitimate-mamikon-aslanyan-on-the-shameful-image-of-the-elections 2026-06-14T20:01:31+04:00 /uploads/video/image/1781540265.jpg <![CDATA[Լեգա՞լ, թե՞ լեգիտիմ. Մամիկոն Ասլանյանը՝ ընտրությունների խայտառակ պատկերի մասին]]> Տեսանյութեր <![CDATA[Գևորգ Պապոյանի ասածները բանի տեղ մի դրեք. Դավիթ Ղազինյան]]> https://www.antifake.am/video/do-not-ignore-what-gevorg-papoyan-said-davit-ghazinyan https://www.antifake.am/article/do-not-ignore-what-gevorg-papoyan-said-davit-ghazinyan 2026-06-14T19:23:09+04:00 /uploads/video/image/1781508900.jpg <![CDATA[Գևորգ Պապոյանի ասածները բանի տեղ մի դրեք. Դավիթ Ղազինյան]]> Տեսանյութեր <![CDATA[Նիկոլ Փաշինյանի բարոյալքված Հայաստանը. Մամիկոն Ասլանյան]]> https://www.antifake.am/video/nikol-pashinyans-demoralized-armenia-mamikon-aslanyan https://www.antifake.am/article/nikol-pashinyans-demoralized-armenia-mamikon-aslanyan 2026-06-14T18:04:56+04:00 /uploads/video/image/1781518961.jpg <![CDATA[Նիկոլ Փաշինյանի բարոյալքված Հայաստանը. Մամիկոն Ասլանյան]]> Տեսանյութեր <![CDATA[Նիկոլ Փաշինյանը շատ շուտով ազատությանը կակա կասի. Սուրեն Սուրենյանց]]> https://www.antifake.am/video/nikol-pashinyan-will-say-goodbye-to-freedom-very-soon-suren-surenyants https://www.antifake.am/article/nikol-pashinyan-will-say-goodbye-to-freedom-very-soon-suren-surenyants 2026-06-14T17:53:28+04:00 /uploads/video/image/1781588792.jpg <![CDATA[Նիկոլ Փաշինյանը շատ շուտով ազատությանը կակա կասի. Սուրեն Սուրենյանց]]> Տեսանյութեր <![CDATA[ՀՐԱՏԱՊ. ԿԸՀ-ն քննում է «Ուժեղ Հայաստան» դաշիքնի դիմումը]]> https://www.antifake.am/video/urgent-the-cec-is-examining-the-application-of-the-strong-armenia-alliance https://www.antifake.am/article/urgent-the-cec-is-examining-the-application-of-the-strong-armenia-alliance 2026-06-14T15:35:04+04:00 /uploads/video/image/1781585155.jpg <![CDATA[ՀՐԱՏԱՊ. ԿԸՀ-ն քննում է «Ուժեղ Հայաստան» դաշիքնի դիմումը]]> Ուղիղ հեռարձակում