Երեկ երեկոյան Հերացի փողոցում լարված իրավիճակ է եղել։ Նարեկ Սամսոնյանի փոխանցմամբ` ոստիկանները կանգնեցրել են «#sutnikol» և «Չնիկոլ» գրությամբ մեքենա և վարորդին ծեծելով` բերման են ենթարկել։ Մեքենայի կին ուղևորներից մեկի մատն էլ կոտրվել է քաշքշուքի ընթացքում։
Ոստիկանները ցանկացել են նաև մեքենան տեղափոխել հատուկ պահպանվող տարածք, սակայն հարազատների միջամտությամբ դա տեղի չի ունեցել։
Միջադեպի վայրից ուղիղ հեռարձակմամբ միացած Նարեկ Սամսոնյանի այն հարցին, թե ինչ է կատարվում, ինչու են #sutnikol գրությամբ մեքենան ցանկանում տեղափոխել հատուկ պահպանվող տարածք, կապիտան Վարդազարյանը պատասխանել է, որ #sutnikol գրառումը գովազդային է։
Ավելի ուշ միջադեպի վայր են ժամանել Նարեկ Մալյանը, Հրանտ Մելիք-Շահնազարյանը և իրավապաշտպան Ռուբեն Մելիքյանը։
Մանրամասները՝ տեսանյութերում։