Բելառուսում 17 քրեական գործ է հարուցվել ոստիկանության ծառայողների վրա հարձակման փաստի առիթով, հայտնում է ТАСС լրատվական գործակալությունը՝ հղում անելով Բելառուսի ներքին գործերի նախարարության մամուլի ծառայության հաղորդագրությանը։
Հաղորդագրության մեջ նաև ասվում է, որ օգոստոսի 11-ի լույս 12-ի գիշերը մայրաքաղաքում և մի քանի այլ խոշոր քաղաքներում արձանագրվել են հանրային տրանսպորտը արգելափակելու փորձեր, ինչպես նաև առկա են իրավապահ մարմինների ծառայողներին հրապարակային դիմադրություն ցույց տալու փաստեր։
Չարտոնված ակցիաներին մասնակցելու համար մեկ օրվա ընթացքում ձերբակալվել է ավելի քան 1000 մարդ։ «Օգոստոսի 11-ի լույս 12-ի գիշերը երկրի 25 բնակավայրերում դիտարկվել են քաղաքացիների հավաքներ։ Չարտոնված զանգվածային միջոցառումներին մասնակցելու համար ձերբակալվել է ավելի քան 1000 քաղաքացի», - ասվում է հաղորդագրության մեջ։
Աղբյուր՝ AntiFake.am