ՀՀ երրորդ նախագահ Սերժ Սարգսյանը «Պատիվ ունեմ» դաշինքի վարչապետի թեկնածու Արթուր Վանեցյանի հետ նախընտրական քարոզչության շրջանակներում եղել է Երևանի Արաբկիր համայնքում և զրուցել քաղաքացիների հետ:
Պատասխանելով Արցախյան պատերազմում զոհված զինծառայողի հոր հարցին, թե ինչ է պատրաստվում զիջել Նիկոլ Փաշինյանը, և ինչ անկալվների մասին է խոսքը` Սերժ Սարգսյանը հայտարարել է, որ իր իշխանության տարիներին անկլավների մասին ընդհանրապես խոսք չի եղել: «Մեր ժամանակ ակլավների մասին որևէ խոսք չի եղել: Բայց քանի որ ես երկու նախկին նախագահների ժամանակ էլ եմ աշխատել այնպիսի պաշտոններում, որոնք թույլ էին տալիս բավարար ինֆորացիա ունենալ, այդպիսի հարց ընդհանրապես Հայաստանի որևէ իշխանություն չի քննարկել»,- ասել է Սերժ Սարգսյանը:
Երրորդ նախագահը պնդում է, եթե Նիկոլ Փաշինյանը կարող է հակառակն ապացուցել, թող հրապարակի համապատասխան փաստաթուղթը:
Ավելին` տեսանյութում.
Աղբյուր՝ AntiFake.am